பிரதேச அபிவிருத்தி உதவித்திட்ட நிதியில் அமைக்கப்பட்ட கடைத்தொகுதி திறந்து வைப்பு.

உலக வங்கி மற்றும் ஐரோப்பியன் யூனியன் நிதி மற்றும் சபைநிதி ஒதுக்கீட்டின்கீழ் பிரதேச அபிவிருத்தி உதவித் திட்டத்தினூடாக 65.30 மில்லியன் ரூபா செலவில் பளை நகரத்தில் புதிதாக அமைக்கப்பட்ட கடைத்தொகுதி திறப்பு விழா நேற்று(2025.01.01) நடைபெற்றது.

குறித்த நிகழ்வு பச்சிலைப்பள்ளி பிரதேச சபையின் செயலாளர் த.தர்சினி அவர்களின் தலைமையில், பளை பொதுச்சந்தை வளாகத்தில் மு.ப 11.00 மணிக்கு நடைபெற்றது.

இந்நிகழ்வில் பச்சிலைப்பள்ளி பிரதேச செயலாளர் இ.த.ஜெயசீலன், கிளிநொச்சி பிராந்திய உள்ளூராட்சி உதவி ஆணையாளர் ப.சத்தியராகவன் ஆகியோர் அதிகளாக கலந்துகொண்டனர்.

மேலும் இந்நிகழ்வில் குத்தகைதாரர்களுக்கு திறப்புக்கள் கையளிக்கப்பட்டன.

இந்நிகழ்வில் பச்சிலைப்பள்ளி பிரதேச செயலக உதவிப் பிரதேச செயலாளர், கணக்காளர், உத்தியோகத்தர்கள் மற்றும் பிராந்திய உள்ளூராட்சி உதவி ஆணையாளர் அலுவலக உத்தியோகத்தர்கள், சுகாதார வைத்திய அதிகாரி பணிமனை பொதுச்சுகாதார பரிசோதகர்கள், பச்சிலைப்பள்ளி பிரதேச சபை அலுவலர்கள், கடைகளினை குத்தகைக்குப் பெற்றுக்கொண்ட குத்தகைதாரர்கள் மற்றும் பொதுமக்கள் என பலரும் கலந்து சிறப்பித்திருந்தனர்.

22ம் ஆண்டு நினைவஞ்சலி.

அன்பில் உருவமாய் பண்பில் சிகரமாய் குடும்பத்தின் குலவிளக்காய் எம் வாழ்வில் மெழுகுவர்த்தியாய் எம்மை வாழ வைத்த எம் அருமை அப்பாவே . உம் பாசமொழி கேளாது இரு பத்து இரண்டு ஆண்டுகள் கரைந்தனவே , வேலைக்கு சென்ற அப்பா வருவாரென வழிமேல் விழி வைத்து காத்திருந்தோமே . உங்கள் பிரிவறிந்து உணர்வற்ற மரங்களானோமே , ஈழம் ஈழம் என்று சண்டை பிடித்திரே உங்கள் சண்டையில் ஒன்றுமே அறியாத எங்கள் அப்பாவை பலிக்கடாவாக்கியது ஏனோ ! எப்போ கண்போம் எம் தெய்வத்தை??? தேடுகிறோம் தேடுகிறோம் எங்கள் அப்பாவை பூமியில் காணவில்லை இன்று வரை...