சென்மேரிஸ் உள்ளூர் உதைபந்தாட்ட வெற்றிக் கிண்ணத்தை தன்வசமாக்கிய யங் பைட்டர்ஸ் அணி.

வடமராட்சி கிழக்கு கட்டைக்காடு சென்மேரிஸ் விளையாட்டு கழகம் நடாத்திய உள்ளூர் போட்டியான Kspl season 3 உதைபந்தாட்ட தொடரின் இறுதி போட்டி நேற்று 22.12.2024 ஞாயிற்று கிழமை இடம்பெற்றது

சென்மேரிஸ் விளையாட்டு கழக தலைவர் தலைமையில் மாலை 3.00 மணியளவில் மங்கள விளக்கேற்றலுடன் இறுதி போட்டி ஆரம்பமானது

இறுதிப் போட்டியில் யங் பயிட்டர்ஸ் அணியை எதிர்த்து பயிட்டர் கிங்ஸ் அணி மோதியது. விறு விறுப்பாக இடம்பெற்ற போட்டியின் இறுதியில் 2-0 என்ற கோல் கணக்கில் யங் பயிட்டர்ஸ் அணி வெற்றி பெற்று Kspl season 3 இன் வெற்றிக் கிண்ணத்தை தட்டிச் சென்றது.

முதலாம்,இரண்டாம் அணிகளுக்கு வெற்றிக் கேடயத்துடன் பணப் பரிசில்களும் வழங்கி வைக்கப்பட்டன.

குறித்த இறுதி போட்டியில், கட்டைக்காடு கப்பலேந்தி மாதா ஆலய பங்கு தந்தை, கட்டைக்காடு கடற்றொழிலாளர் கூட்டுறவு சங்க தலைவர், கிராம அபிவிருத்திச் சங்க பொருளாளர், சென்மேரிஸ் நாடக மன்ற தலைவர், முள்ளியான் உப அஞ்சல் அலுவலக அதிகாரி ஆகியோர் விருந்தினர்களாக கலந்து கொண்டதுடன் நூற்றுக் கணக்கான பொது மக்களும் இறுதிப் போட்டியைக் கண்டுகழித்தனர்.

22ம் ஆண்டு நினைவஞ்சலி.

அன்பில் உருவமாய் பண்பில் சிகரமாய் குடும்பத்தின் குலவிளக்காய் எம் வாழ்வில் மெழுகுவர்த்தியாய் எம்மை வாழ வைத்த எம் அருமை அப்பாவே . உம் பாசமொழி கேளாது இரு பத்து இரண்டு ஆண்டுகள் கரைந்தனவே , வேலைக்கு சென்ற அப்பா வருவாரென வழிமேல் விழி வைத்து காத்திருந்தோமே . உங்கள் பிரிவறிந்து உணர்வற்ற மரங்களானோமே , ஈழம் ஈழம் என்று சண்டை பிடித்திரே உங்கள் சண்டையில் ஒன்றுமே அறியாத எங்கள் அப்பாவை பலிக்கடாவாக்கியது ஏனோ ! எப்போ கண்போம் எம் தெய்வத்தை??? தேடுகிறோம் தேடுகிறோம் எங்கள் அப்பாவை பூமியில் காணவில்லை இன்று வரை...