கிளி.கரைச்சி விளையாட்டு கழகங்களுக்கு விளையாட்டு உபகரணங்கள் வழங்கி வைப்பு.

வட மாகாண விளையாட்டு திணைக்களத்தின் ஏற்பாட்டில், கரைச்சி பிரதேச மட்ட விளையாட்டு போட்டியில் முதலாம் இரண்டாம் இடங்களை பெற்ற விளையாட்டு கழகங்களுக்கு விளையாட்டு உபகரணங்கள் நேற்று(19) வழங்கி வைக்கப்பட்டன.

வட மாகாண குறித்தொதுக்கப்பட்ட நிதி(PSDG) ஒதுக்கீட்டின் கீழ் கரைச்சி பிரதேச செயலர் பிரிவின் தெரிவு செய்யப்பட்ட 9 கழகங்களுக்கு முதற்கட்டமாக குறித்த உதவி வழங்கி வைக்கப்பட்டுள்ளது.

குறித்த நிகழ்வு கிளிநொச்சி மாவட்ட செயலக மாநாட்டு மண்டபத்தில், மாவட்ட விளையாட்டு உத்தியோகத்தர் றிச்சாட் மோகனதாஸ் தலைமையில் நடைபெற்றது.

இந்நிகழ்வில், கிளிநொச்சி மாவட்ட மேலதிக அரசாங்க அதிபர்(காணி) இ.நளாஜினி மற்றும் வடமாகாண விளையாட்டுத் திணைக்களத்தின் பணிப்பாளர் பா.முகுந்தன் ஆகியோர் கலந்து கொண்டு விளையாட்டு உபகரணங்களை வழங்கி வைத்தனர்.

இந் நிகழ்வில் விளையாட்டு பிரிவு உத்தியோகத்தர்கள், வடமாகாண விளையாட்டுத் திணைக்கள உத்தியோகத்தர்கள் மற்றும் விளையாட்டு கழகங்க அங்கத்தவர்கள் என பலரும் கலந்து கொண்டிருந்தனர்.

22ம் ஆண்டு நினைவஞ்சலி.

அன்பில் உருவமாய் பண்பில் சிகரமாய் குடும்பத்தின் குலவிளக்காய் எம் வாழ்வில் மெழுகுவர்த்தியாய் எம்மை வாழ வைத்த எம் அருமை அப்பாவே . உம் பாசமொழி கேளாது இரு பத்து இரண்டு ஆண்டுகள் கரைந்தனவே , வேலைக்கு சென்ற அப்பா வருவாரென வழிமேல் விழி வைத்து காத்திருந்தோமே . உங்கள் பிரிவறிந்து உணர்வற்ற மரங்களானோமே , ஈழம் ஈழம் என்று சண்டை பிடித்திரே உங்கள் சண்டையில் ஒன்றுமே அறியாத எங்கள் அப்பாவை பலிக்கடாவாக்கியது ஏனோ ! எப்போ கண்போம் எம் தெய்வத்தை??? தேடுகிறோம் தேடுகிறோம் எங்கள் அப்பாவை பூமியில் காணவில்லை இன்று வரை...