வடமராட்சி கிழக்கு கடற்கரை பகுதியில் கரையொதுங்கிய இனம்தெரியாத படகு.

வடமராட்சி கிழக்கு உடுத்துறை ஐந்தாம் பனையடி கடற்கரை பகுதியில் இனந்தெரியாத படகு ஒன்று இன்று காலை 23-12-2024 கரையொதுங்கியுள்ளது.

OFRP-6224JFN என்னும் இலக்கமுடைய ஆட்கள் யாருமற்ற படகு கடலில் மிதந்துவந்த நிலையில், கரையொதுங்கியுள்ளதாக அப்பகுதி மக்கள் தெரிவித்துள்ளனர்.

மேலும் தெரிய வருகையில்,

இது தொடர்பாக அப்பகுதி மக்கள் சம்மந்தப்பட்ட அதிகாரிகளுக்கு உடன் தகவலை வழங்கியதையடுத்து,

சம்பவ இடத்திற்கு வருகை தந்த வடமராட்சி கிழக்கு கடற்தொழிலாளர் சங்க சமாச தலைவர் மற்றும் பொலிசார் படகை பார்வையிட்டதுடன், நீரியல்வளத் திணைக்கள அதிகாரிகளுக்கும் தெரியப்படுத்தியுள்ளனர்.

இயந்திரமற்று ஆழ்கடலில் இருந்து வருகை தந்து கரையொதுங்கிய  இலங்கை நாட்டிற்குச் சொந்தமான குறித்த படகை, கடத்தல்காரர்கள் கையாண்டிருக்கலாமென பொலிசார் சந்தேகிப்பதுடன், மேலதிக விசாரணைகளையும் மேற்கொண்டு வருகின்றனர்.