வவுனியாவில் இடம்பெற்ற வாள்வெட்டில் குடும்பஸ்தர் பலி - ஐவர் பொலிசாரால் கைது.

 வவுனியாவில் இடம்பெற்ற வாள்வெட்டு சம்பவம் ஒன்றோடு தொடர்புடைய 5 பேர் இன்றைய தினம் (08) கைது செய்யப்பட்டுள்ளதாக பொலிசார் தெரிவித்துள்ளனர்.

சேமமடு, இளமருதங்குளம் பகுதியில் கடந்த 01-12-2024 ஆம் திகதி இடம்பெற்ற வாள்வெட்டு சம்பவத்தில் நாவற்குளம் பகுதியை சேர்ந்த 46 வயதான செல்வநிரோயன் என்ற குடும்பஸ்தர் உயிரிழந்திருந்தார்.

இச் சம்பவம் குறித்து விசாரணைகளை முன்னெடுத்த ஓமந்தைப் பொலிசார், வாள்வெட்டில் ஈடுபட்டவர்கள் பயணித்த வாகனத்தின் சாரதியை அன்றைய தினமே கைது செய்திருந்தனர்.

சம்பவம் தொடர்பில் வவுனியா மாவட்ட குற்றத்தடுப்பு பிரிவுப் பொலிசாரும், ஓமந்தை குற்றத்தடுப்பு பிரிவு பொலிசாரும் விசாரணைகளை மேற்கொண்டு வந்ததுடன், சம்பவத்துடன் தொடர்புடைய 5 பேரை கைது செய்துள்ளதாக தெரிவித்துள்ளனர்.

வவுனியா, உக்குளாங்குளம், கூமாங்குளம், வேலங்குளம் ஆகிய பகுதிகளைச் சேர்ந்த 5 இளைஞர்களே இவ்வாறு கைது செய்யப்பட்டுள்ளனர்.