யாழில் இடம்பெற்ற கோர விபத்தில் மூவர் பலி.

 யாழ்ப்பாணம் கோப்பாய் பொலிஸ் பிரிவில் நேற்று இரவு இடம்பெற்ற இருவேறு விபத்துக்களில் நால்வர் உயிரிழந்துள்ளனர்.

திருநெல்வேலி, ராமலிங்கம் சாலையில் பூங்கனிச்சோலை அருகே நேற்று இரவு இரு மோட்டார் சைக்கிள்கள் மோதிக்கொண்ட விபத்தில் 3 இளைஞர்கள் உயிரிழந்தனர்.

கோப்பாய் புத்தர் மடத்தடியைச் சேர்ந்த மகேந்திரன் மகிந்தன் (வயது 25), கச்சேரி கிழக்கைச் சேர்ந்த ரொபின்சன் சார்ள்ஸ் (வயது 23), சுன்னாகம் சபாபதிப்பிள்ளை வீதியைச் சேர்ந்த யோகநாதன் மேர்வின் தனுஜன் (வயது 17) ஆகியோர் உயிரிழந்துள்ளனர். 

விபத்தில் சிக்கிய மூவர் படுகாயமடைந்த நிலையில் யாழ் போதனா வைத்தியசாலையில் அனுமதிக்கப்பட்ட நிலையில் ஒருவர் உயிரிழந்துள்ளதுடன் இருவர் ஆபத்தான நிலையில் தொடர்ந்தும் சிகிச்சை பெற்று வந்துள்ளனர்.

இதேவேளை, கோப்பாய் பொலிஸ் பிரிவுக்குட்பட்ட உரும்பிராய் பகுதியில் நேற்று இரவு இடம்பெற்ற விபத்தில் ஒருவர் உயிரிழந்துள்ளார். கோப்பாய் தெற்கைச் சேர்ந்த துரைராசா மயூரன் (வயது 27) என்பவரே உயிரிழந்துள்ளார்.

குறித்த நபர் மோட்டார் சைக்கிளில் சென்று கொண்டிருந்த போது வேகக் கட்டுப்பாட்டை இழந்து வீதிக்கு அருகில் இருந்த மின்கம்பத்தில் மோதியுள்ளார். இரண்டு விபத்துக்கள் தொடர்பில் கோப்பாய் பொலிஸார் விசாரணைகளை மேற்கொண்டு வருகின்றனர்.