வவுனியாவில் இடம்பெற்ற பாரியவிபத்து - படுகாயமடைந்த நிலையில் பலர் வைத்தியசாலையில் அனுமதி.

 பூவரசங்குளம் பகுதியில் இடம்பெற்ற பேருந்து விபத்தில் 6 பேர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளதாக தகவல் வெளியாகியுள்ளது.

இவ்விபத்து சம்பவம் வவுனியா பூவரசங்குளம் பகுதியில் நேற்று (15) மாலை இடம்பெற்றுள்ளது.

இந்த விபத்துச் சம்பவம் தொடர்பில் மேலும் தெரியவருவதாவது, 

மன்னாரில் இருந்து வவுனியா நோக்கி பயணித்து கொண்டிருந்த அரச பேருந்து, அதே திசையில் பயணித்த தனியார் பேருந்தும் மோதியதில் இவ் விபத்து இடம்பெற்றது.

இவ் விபத்தின் போது அரச பேருந்தில் பயணித்த 6 பயணிகள் காயமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளதாக தகவல் வெளியாகியுள்ளது.

இவ்விபத்து குறித்து மேலதிக விசாரணைகளை பூவரசங்குளம் பொலிஸார் முன்னெடுத்து வருகின்றனர்.