5 பிள்ளைகளை காட்டில் தவிக்கவிட்டு, கள்ளக் காதலனுடன் ஓட்டமெடுத்த கொடூரத் தாய்.

 தனது 5 பிள்ளைகளையும் காட்டில் தவிக்கவிட்டுவிட்டு, கள்ளக் காதலனுடன் தாயொருவர் தலைமறைவான சம்பவம் வாரியபொல அம்பகடவர பிரதேசத்தில் பெரும் பரபரப்பை ஏற்படுத்தியுள்ளது.

இச்சம்பவம் வாரியபொல அம்பகடவர பிரதேசத்தில் இடம்பெற்றுள்ளது.

காட்டில் ஓரிடத்திலிருந்து பிள்ளைகள் அழும் சத்தம் கேட்பதாக, பொலிஸாருக்கு கிடைத்த தகவலுக்கமைய பொலிஸார் மேற்​கொண்ட தேடுதலின் போதே, குறித்த ஐந்து பிள்ளைகளும் மீட்கப்பட்டனர்.

குறித்த பிள்ளைகள் ஐவரும் கடந்த இரண்டு நாட்களாக எவ்விதமான உணவுமின்றி இருந்துள்ளனர் என அறியமுடிகின்றது.2 மற்றும் 12 வயதான பிள்ளைகளே இவ்வாறு  பொலிஸாரால் மீட்கப்பட்டுள்ளனர்.

பிள்ளைகளின் தந்தை மது போதைக்கு அடிமையானவர். அன்றைய நாள் மது போதையில் வந்திருந்த கணவன், ஆழ்ந்த உறக்கத்தில் இருந்துள்ளார். இதன்போதே, தன்னுடைய ஐந்து பிள்ளைகளையும் அழைத்துச் சென்ற 35 வயதான தாய், காட்டில் தவிக்க பிட்டுவிட்டு, முறையற்ற காதலுடன் தப்பிச் சென்றுள்ளார்.

பொலிஸாரின் பொறுப்பின் கீழ் கொண்டுவரப்பட்ட பிள்ளைகள் ஐவரும் நன்னடத்தை நிலையத்துக்கு அனுப்பிவைக்கப்படும் வரையிலும் அப்பிள்ளைகளின் பெரிய தாயாரின் பொறுப்பில் ஒப்படைக்கப்பட்டுள்ளனர் என பொலிஸார் தெரிவித்தனர்.