கொவிட் தடுப்பூசி பெறச் சென்றவர்கள் மீது பொலிஸ் பரிசோதகர் தாக்குதல் - விசாரணைகள் ஆரம்பம்.

வெலிகம பிரதேசத்தில் கொரோனா தடுப்பூசியை பெறச்சென்றவர்கள் மீது பொலிஸ் பரிசோதகர் தாக்கிய சம்பவம் குறித்து விசாரணைகள் ஆரம்பிக்கப்பட்டுள்ளதாக அரசாங்கம் தெரிவித்துள்ளது.

இதனை அரசாங்கத் தகவல் திணைக்களத்தில் இன்று இடம்பெற்ற அமைச்சரவை முடிவுகளை அறிவிக்கும் ஊடக சந்திப்பிலேயே அமைச்சரவை இணைப் பேச்சாளர் அமைச்சர் ரமேஷ் பதிரண தெரிவித்தார்.

அத்துடன் சம்பவம் குறித்து பொதுமக்கள் பாதுகாப்பு அமைச்சர் சரத் வீரசேகர விசாரணைகளை நடத்த நடவடிக்கை எடுத்துள்ளதாகவும் அமைச்சர் குறிப்பிட்டார்.

கடந்த முதலாம் திகதி மாத்தறை வெலிகமவில் குறித்த நிலையத்திற்கு கொண்டு வரப்பட்ட தடுப்பூசிகள் காலாவதியாகியமை காரணமாக தடுப்பூசி நடவடிக்கைகள் பாதிக்கப்பட்டுள்ளன.

இதனையடுத்து தடுப்பூசி முடிந்துவிட்டதாக அறிவிக்கப்பட்ட போதிலும், பொது மக்கள் தொடர்ந்து அங்கு தங்கியதால் பொலிஸார் அவர்களை வெளியேறுமாறு அறிவித்தனர்.

சம்பவ இடத்திற்கு வந்த வெலிகம பொலிஸ் பரிசோதகர் மற்றும் பிற அதிகாரிகள் மக்களை வெளியேற்ற நடவடிக்கை எடுத்தனர்.

இதன்போது பொலிஸார் அங்கிருந்த பொதும்க்கள் சிலர் மீது தடியடி நடத்தியதாக கூறப்பட்டிருந்தமை குறிப்பிடத்தக்கது.

22ம் ஆண்டு நினைவஞ்சலி.

அன்பில் உருவமாய் பண்பில் சிகரமாய் குடும்பத்தின் குலவிளக்காய் எம் வாழ்வில் மெழுகுவர்த்தியாய் எம்மை வாழ வைத்த எம் அருமை அப்பாவே . உம் பாசமொழி கேளாது இரு பத்து இரண்டு ஆண்டுகள் கரைந்தனவே , வேலைக்கு சென்ற அப்பா வருவாரென வழிமேல் விழி வைத்து காத்திருந்தோமே . உங்கள் பிரிவறிந்து உணர்வற்ற மரங்களானோமே , ஈழம் ஈழம் என்று சண்டை பிடித்திரே உங்கள் சண்டையில் ஒன்றுமே அறியாத எங்கள் அப்பாவை பலிக்கடாவாக்கியது ஏனோ ! எப்போ கண்போம் எம் தெய்வத்தை??? தேடுகிறோம் தேடுகிறோம் எங்கள் அப்பாவை பூமியில் காணவில்லை இன்று வரை...