யாழில் கொவிட் சடலங்களை தகனம் செய்வதில் ஏற்பட்டுள்ள பாரிய சிக்கல்.

யாழ்ப்பாண மாவட்டத்தில் சடலங்களை தகனம் செய்வதில் பாரிய சிக்கல் நிலை தோன்றியுள்ளதாக மாவட்ட அரசாங்க அதிபர் கணபதிப்பிள்ளை மகேசன் தெரிவித்துள்ளார்.

யாழ்ப்பாண மாவட்ட செயலகத்தில் நேற்று இடம்பெற்ற செய்தியாளர் சந்திப்பில் அவர் இதனைக் குறிப்பிட்டுள்ளார்.

கொவிட்-19 தொற்றினால் அதிகளவான மரணங்கள் ஏற்பட்டு வருகின்றன.

இந்தநிலையில் யாழ்ப்பாண மாநகர சபைக்கு சொந்தமான மின் தகனசாலையிலேயே சடலங்கள் தகனம் செய்யப்படுகின்றன.

எனினும், அது பழுதடைந்த நிலையில் உள்ளதால் பாரிய அசெகரியங்களுக்கு முகங்கொடுத்துள்ளதாக அவர் தெரிவித்தார்.

அத்துடன், புதிய மின்தகனசாலை உடனடியாக அமைப்பதற்கான சாத்தியமில்லை எனவும் யாழ்ப்பாண மாவட்ட அரசாங்க அதிபர் கணபதிப்பிள்ளை மகேசன் குறிப்பிட்டார்.

22ம் ஆண்டு நினைவஞ்சலி.

அன்பில் உருவமாய் பண்பில் சிகரமாய் குடும்பத்தின் குலவிளக்காய் எம் வாழ்வில் மெழுகுவர்த்தியாய் எம்மை வாழ வைத்த எம் அருமை அப்பாவே . உம் பாசமொழி கேளாது இரு பத்து இரண்டு ஆண்டுகள் கரைந்தனவே , வேலைக்கு சென்ற அப்பா வருவாரென வழிமேல் விழி வைத்து காத்திருந்தோமே . உங்கள் பிரிவறிந்து உணர்வற்ற மரங்களானோமே , ஈழம் ஈழம் என்று சண்டை பிடித்திரே உங்கள் சண்டையில் ஒன்றுமே அறியாத எங்கள் அப்பாவை பலிக்கடாவாக்கியது ஏனோ ! எப்போ கண்போம் எம் தெய்வத்தை??? தேடுகிறோம் தேடுகிறோம் எங்கள் அப்பாவை பூமியில் காணவில்லை இன்று வரை...