வவுனியாவில் மாயமான நபர் சடலமாக மீட்பு.

வவுனியா பம்பைமடு பகுதியில் மீன் பிடிப்பதற்காக சென்ற நபர் காணாமல் போயுள்ளதாக தெரிவிக்கப்பட்டிருந்தது. இந்நிலையில், குறித்த நபர்  நீர்த்தேக்கத்தில் மூழ்கி உயிரிழந்த நிலையில், சடலமாக மீட்கப்பட்டுள்ளார்.

இன்று காலையே இவர் சடலமாக மீட்கப்பட்டுள்ளார் என பொலிஸார் தெரிவித்துள்ளனர்.

குறித்த சம்பவம் தொடர்பில் மேலும் தெரியவருவதாவது - 

நேற்றைய தினம் வவுனியா பம்பைமடு பகுதியில் அமைந்துள்ள நீர்த்தேக்கத்திற்கு மீன்பிடிப்பதற்காக 5 பேர் சென்றுள்ளனர். இதன்போது நபர் ஒருவர் நீர்தேக்கத்தில் இறங்கிய நிலையில், நீரில் இழுத்துச் செல்லப்பட்டு மூழ்க்கியுள்ளார்.

இதனை அவதானித்த ஏனைய நபர்கள் அவரை நீருனுள் இறங்கித் தேடியுள்ளனர். எனினும் அவரை மீட்கமுடியவில்லை. நீருனுள் மூழ்கிய நபரை பிற்பகல் 2 மணியளவில் இருந்து மாலை 6 மணிவரை கிராமத்து இளைஞர்கள் தேடிய போதும் கிடைக்காத நிலையில், கிராம மக்கள் திரும்பிச் சென்றிருந்தனர்.

இந்நிலையில் இன்று காலை கடற்படையின் சுழி ஓடிகள் மற்றும் பொதுமக்களின் உதவியுடன் குறித்த நபரின் சடலம் மீட்கப்பட்டது. சம்பவத்தில் வவுனியா கற்பகபுரம் பகுதியை சேர்ந்த ரவி வயது 50 என்ற குடும்பஸ்தரே உயிரிழந்துள்ளார். சம்பவம் தொடர்பாக பூவரசங்குளம் பொலிஸார் விசாரணைகளை முன்னெடுத்து வருகின்றனர்.