நேற்று மாலை மன்னார் பெற்றா பகுதியில் இடிமின்னல் காரணமாக தெய்வாதீனமாக பலர் உயிர் பிழைத்துள்ளனர்.

 மன்னார் பெற்றா பகுதியில் அமைந்துள்ள வெற்றியின் நல் நம்பிக்கை இல்லத்தின் மீது நேற்று மாலை இடி மின்னல் தாக்கம் ஏற்பட்ட நிலையில் குறித்த இல்லத்தில் இருந்த 15 பேர் தெய்வாதீனமாக உயிர் தப்பியுள்ளனர்.

இடி மின்னல் தாக்கத்தின்போது இல்லத்தின் மின் இணைப்புக்கள் முழுமையாக எரிந்து சேதமாகி உள்ளது. நேற்று மாலை முதல் தொடர்ச்சியாக இடி மின்னலுடன் கூடிய மழை பெய்து வந்த நிலையில் இவ் அனார்த்தம் ஏற்பட்டது.

இதனையடுத்து உடனடியாக குறித்த இல்லத்தில் உள்ள சிறுமிகள் , பாடசாலை மாணவிகள் வெளியேற்றப்பட்டு அயலவர்களின் உதவியுடன் தீ கட்டுப்பாட்டிற்குள் கொண்டு வரப்பட்டது.

மேலும் சம்பவம் தொடர்பில் மின்சார சபைக்கு தகவல் வழங்கப்பட்ட நிலையில்,விரைந்து வந்த மின்சார சபையினர் மின்சார இணைப்பை துண்டித்துள்ளமை குறிப்பிடத்தக்கது.