காவல்துறை அதிகாரியை போல போலியாக தன்னை அடையாளப்படுத்திய நபர் ஒருவர் காவல்துறை விசேட விசாரணைப் பிரிவினரால் கைது.

உப காவல்துறை பரிசோதகர் ஒருவரின் சீருடையை அணிந்து காவல்துறை அதிகாரியை போல போலியாக தன்னை அடையாளப்படுத்திய நபர் ஒருவர் காவல்துறை விசேட விசாரணைப் பிரிவினரால் கைது செய்யப்பட்டுள்ளார்.

சந்தேக நபர் உப காவல்துறை பரிசோதகர் ஒருவரின் சீருடையை அணிந்து பல்வேறு வர்த்தக நடவடிக்கைகளை மேற்கொண்டுள்ளதாக விசாரணையின் போது தெரிய வந்துள்ளது.

இது தொடர்பாக பன்னிப்பிட்டிய - பொல்வத்தை பிரதேசத்தில் மேல் மாகாண தெற்கு விசேட குற்ற விசாரணை பிரிவினால் மேற்கொள்ளப்பட்ட சுற்றிவளைப்பின் போது குறித்த சந்தேக நபர் கைது செய்யப்பட்டுள்ளார்.

இவ்வாறு கைது செய்யப்பட்ட நபர் இறக்குவானை பிரதேசத்தைச் சேர்ந்த 30 வயதானவர் என குறிப்பிடப்பட்டுள்ளது.

இவர் சமூக வலைத்தளங்களிலும் தன்னை உப காவல்துறை பரிசோதகராக வெளிப்படுத்திக் கொண்டுள்ளதாக விசாரணையின் போது தெரிய வந்துள்ளது.

இது தொடர்பான மேலதிக விசாரணை மேற்கொள்ளப்பட்டுள்ளதாக காவல்துறை பேச்சாளர் பிரதி காவல்துறைமா அதிபர் அஜித் ரோஹண தெரிவித்துள்ளார்.

22ம் ஆண்டு நினைவஞ்சலி.

அன்பில் உருவமாய் பண்பில் சிகரமாய் குடும்பத்தின் குலவிளக்காய் எம் வாழ்வில் மெழுகுவர்த்தியாய் எம்மை வாழ வைத்த எம் அருமை அப்பாவே . உம் பாசமொழி கேளாது இரு பத்து இரண்டு ஆண்டுகள் கரைந்தனவே , வேலைக்கு சென்ற அப்பா வருவாரென வழிமேல் விழி வைத்து காத்திருந்தோமே . உங்கள் பிரிவறிந்து உணர்வற்ற மரங்களானோமே , ஈழம் ஈழம் என்று சண்டை பிடித்திரே உங்கள் சண்டையில் ஒன்றுமே அறியாத எங்கள் அப்பாவை பலிக்கடாவாக்கியது ஏனோ ! எப்போ கண்போம் எம் தெய்வத்தை??? தேடுகிறோம் தேடுகிறோம் எங்கள் அப்பாவை பூமியில் காணவில்லை இன்று வரை...