மாணவியை பாலியல் துஸ்பிரயோகத்திற்கு உட்படுத்தியதாக சந்தேக நபருக்கு 14 நாட்கள் வரை விளக்கமறியல் - கல்முனையில் சம்பவம்.!!!

மாணவியை பாலியல் துஸ்பிரயோகத்திற்கு உட்படுத்தியதாக சந்தேக நபருக்கு 14 நாட்கள் வரை விளக்கமறியல் - கல்முனையில் சம்பவம்.!!!

பாடசாலை முடிவடைந்து வீடு திரும்பிக்கொண்டிருந்த மாணவியை அழைத்து பாலியல் துஸ்பிரயோகத்திற்கு உட்படுத்தியதாக குற்றஞ்சாட்டப்பட்ட நபரை 14 நாட்கள் வரை விளக்கமறியலில் வைக்குமாறு கல்முனை நீதிவான் நீதிமன்று உத்தரவிட்டுள்ளது.

கடந்த  சனிக்கிழமை (31)  அம்பாறை மாவட்டம் கல்முனை பொலிஸ் பிரிவிற்குட்பட்ட பகுதியில் குறித்த சம்பவம்  இடம்பெற்றுள்ளது.

இச் சம்பவத்தை அடுத்து  சந்தேக நபர் இரு நாட்கள் அட்டாளைச் சேனை பகுதியில் தலைமறைவாகி இருந்த சமத்தில்    கல்முனை பொலிஸாருக்கு கிடைக்கப்பெற்ற இரகசிய தகவலுக்கமைவாக குறித்த நபர்  கைதுசெய்யப்பட்டுள்ளார்.

மேலும் இச் சம்பவ தினமன்று கல்முனைக்குடி சாஹிப் வீதியை சேர்ந்த  பாத்திமா இன்சாத் (8 வயது) என்ற மாணவி    வீடு திரும்பிய வேளை சந்தேக நபரான கல்முனைக்குடி கனீபா வீதியை சேர்ந்த சந்தேக நபரான ஏ.கரீம் (55 வயது) குறித்த மாணவியை அழைத்து தனக்கு ஒரு சவர்க்காரம் ஒன்றினை வாங்கி தருமாறு கோரியுள்ளார்.

இதற்கு அமைவாக  குறித்த மாணவியும் சவர்க்காரம் ஒன்றினை வாங்கி சந்தேக நபரது வீட்டிற்கு சென்றுள்ளார்.

இதன்போது  சந்தேக நபர் குறித்த மாணவியை பாலியல் துஸ்பிரயோகம் மேற்க்கொண்ட சந்தர்ப்பத்தில
சம்பவத்தை நேரில் கண்ட  அயலவர்கள் குறித்த வீட்டிற்கு சென்றபோது சந்தேக நபர்  தப்பிச் சென்றுள்ளார்.

மேலும் குறித்த சந்தேக நபர் தலைமறைவாகி இருந்த சமயம் கிராம வாசிகளின் ஒத்துழைப்போடு பொலிஸார் கைது செய்துள்ளனர்.

இதன் போது பாதிக்கப்பட்ட மாணவி அஸ்ரப் ஞாபகார்த்த வைத்தியசாலையில் அனுமதிக்கப்பட்டு சிகிச்சை பெற்று வருகின்றமை குறிப்பிடத்தக்கது.